Liga, xornada 14: Betis 1 - Celta 1

O Celta salva un punto no Benito Villamarín tras xogar cun home menos desde o minuto 47 pola expulsión de Jonny. Bongonda marcou o gol do Celta.

Iago Aspas, Nolito, Wass e Orellana felicitan a Bongonda tras marcar o belga o 0-1 [Foto AFP]

A primeira parte foi moi igualada, a primeira ocasión tívoa o Celta cun dous para dous pero Nolito e Iago Aspas estiveron moi lentos. Tras un saque de esquina local Sergio realizou unha parada espectacular desviando outra vez a córner un remate desde fóra da área do Betis. Pouco despois Sergio volveuse a lucir sacando un pé salvador nun man a man cun xogador local. No minuto 24 bo pase de Nolito entre a defensa para Bongonda que este transforma no 0-1. O Celta controlou sen problemas os ataques do Betis ata o descanso. Nada máis empezar a segunda parte, minuto 47, Jonny perde un balón e agarra ao dianteiro local, o árbitro pita a falta e expulsa ao defensor céltico. A falta a estrela no pau Joaquín. No minuto 50 o canteirán Diego Alende debutaba co primeiro equipo tras substituír a Bongonda. A partir de aquí o Celta limítase a defender e a saír á contra. No minuto 76 Borja Fernández entraba por Iago Aspas. Tanto o buscou o Betis que no minuto 82 conseguía empatar o partido. Nolito puido marcar o 1-2 pero precipitoúse no disparo. Aos 87 minutos Guidetti saltaba ao campo por Nolito. Un punto e seguimos en postos Champions.

FICHA:

[1] Real Betis: Dani Giménez, Piccini, Bruno, Westermann (Van der Var, 74'), Varela, Joaquín, N'Diaye (Vadillo, 62'), Petrós, Cejudo (Jorge Molina, 54'), Ceballos e Rubén Castro.

[1] Celta de Vigo: Sergio; Hugo Mallo, Cabral, Jonny, Planas; Augusto, Wass; Bongonda (Alende, 50'), Orellana, Nolito (Guidetti, 87'); e Iago Aspas (Borja Fernández, 76').

Colexiado: Hernández Hernández, ben. Amonestou a Bruno, N'Diaye, Petrós, Jorge Molina e Ceballos polo Betis e a Bongonda, Planas e Nolito polo Celta, expulsou a Jonny con vermella directa (47').

Goles: 0-1, Bongonda (24'). 1-1, Jorge Molina (82').

Estadio: Benito Villamarín, 33.762 espectadores.

Notas:

• Sergio [7'5]
• Hugo Mallo [6]
• Cabral [7]
• Jonny [3]
• Planas [4'5]
• Augusto [6]
• Wass [5]
• Bongonda [7]
• Alende [5'5]
• Orellana [6'5]
• Nolito [5'5]
• Guidetti [-]
• Iago Aspas [5]
• Borja Fernández [5'5]