Liga, xornada 19: Espanyol 1 - Celta 0

O Celta perde no minuto 90 co Espanyol, no peor partido da tempada, e remata a primeira volta no posto 11 a 5 puntos do descenso.

Jonny nun lance do partido [Foto celtadevigo,net]

O Celta fixo o seu peor partido da tempada e o Espanyol foi superior tanto na primeira parte como na segunda, a primeira ocasión do partido a tivo o equipo local cun disparo lexano que sae rozando o pau. A segunda ocasión clara foi tamén para o Espanyol cun centro dende a dereita que se pasea pola área pequena e Cabral despexa corner quitándolle o gol ao atacante local. A primeira aproximación do Celta foi nun bo pase de Krohn-Dehli para Nolito que queda só diante do porteiro pero o árbitro pita fóra de xogo moi dubidoso. Ata o descanso non houbo ocasións claras para ningún dos dous equipos. Tras o descanso o Celta tivo a ocasión máis clara nun pase de Nolito para Larrivey, este remata, despexa o porteiro e Orellana non chega ao rexeite. O Espanyol respondeu cun remate de cabeza que sae por enriba do longueiro. Larrivey tivo o gol nun bo control co peito, tras un gran pase de Nolito, pero o seu remate de primeiras atrápao o meta local. O Espanyol puido marcar nun disparo dende fóra da área que Sergio roza coa punta dos dedos e o balón se estrela no longueiro. O primeiro e único cambio do Celta foi no minuto 83 entrando Sergi Gómez por Krohn-Dehli. Outro disparo do Espanyol que atrapa Sergio. No minuto 90 centro dende a dereita, falla Cabral e Caicedo bate a Sergio, 1-0 e final do partido.

FICHA:

[1] Espanyol de Barcelona: Casilla, Arbilla, Álvaro, H. Moreno, Fuentes, Abraham, Cañas, L. Vázquez, S. Sevilla (Montañés, 69'), Stuani (Caicedo, 76') e S. García (V. Sánchez, 92').

[0] Celta de Vigo: Sergio; Augusto, Radoja, Cabral, Fontàs, Jonny; Krohn-Dehli (Sergi Gómez, 83'), Pablo Hernández; Orellana, Nolito e Larrivey.

Colexiado: Prieto Iglesias, suficiente. Amonestou a Arbilla, Cañas, Álvaro González polo Espanyol e a Fontàs,  Pablo Hernández e Nolito polo Celta.

Goles: 1-0, Caicedo (90').

Estadio: Cornellà-El Prat, 12.710 espectadores.

Notas:

• Sergio [5]
• Augusto [4]
• Radoja [5'5]
• Cabral [5]
• Fontás [5]
• Jonny [5'5]
• Krohn-Dehli [4]
• Sergi Gómez [-]
• Pablo Hernández [3]
• Orellana [5]
• Nolito [5'5]
• Larrivey [5]