Liga, xornada 22: R. Sociedade 1 - Celta 1

O Celta suma un punto en Anoeta nun partido bastante frouxo gracias a un gol de Nolito no minuto 85.

Nolito festexando o gol do empate [Foto www.farodevigo.es]

Aos 8 minutos de partido Krohn-Dehli precipítase na banda esquerda e o xogador local marcha pegado á liña de banda, centra, Sergi Gómez non defende e outro xogador local deixa de cabeza para que Agirretxe bata a Sergio dentro da área pequena tras gañarlle as costas a Cabral. A ocasión máis clara do Celta foi nun saque de esquina de Nolito que remata de cabeza Santi Mina rozando o pau. Agirretxe puido marcar o segundo pero Sergio realiza unha gran intervención. O partido non tivo nada máis destacado nesta primeira parte. A primeira ocasión da segunda parte foi de Santi Mina que realiza un gran remate tras pase de Sergi Gómez pero o porteiro local fai unha gran parada. No minuto 64 entraba no terreo de xogo Bongonda por Sergi Gómez. Remate frouxo de cabeza que para Sergio. Larrivey remata de cabeza fóra unha falta de Nolito. Nolito intentouno cun disparo dende moi lonxe que sae moi alto. Outro remate de Santi Mina que para o porteiro local. No minuto 79 Charles entraba por Álex López. Bongonda encara, pisa a área e pasa a Nolito que controla e á media volta marca o empate a un no minuto 85. Santi Mina abandonaba o campo por Pablo Hernández no minuto 88. O partido chegaba ao final.

FICHA:

[1] Real Sociedade: Rulli, Mikel (Elustondo, 81'), Íñigo, Granero, Agirretxe (Finnbogason, 64'), Xabi Prieto, Rubén Pardo, Canales, Chory Castro (Zurutuza, 64'), Yuri e Zaldua. 

[1] Celta de Vigo: Sergio; Sergi Gómez (Bongonda, 64'), Cabral, Fontás, Jonny; Augusto, Krohn-Dehli; Santi Mina (Pablo Hernández, 88'), Álex López (Charles, 79'), Nolito; e Larrivey.

Colexiado: Jaime Latre, ben. Amonestou a Mikel González, Granero, Agirretxe, Zaldua e Rubén Pardo pola R. Sociedade e a Augusto, Álex López, Cabral e Jonny polo Celta.

Goles: 1-0, Agirretxe (8'). 1-1, Nolito (85').

Estadio: Anoeta, 14.836 espectadores.

Notas:

• Sergio [6]
• Sergi Gómez [5]
• Bongonda [6]
• Cabral [6]
• Fontás [6]
• Jonny [6]
• Augusto [6]
• Krohn-Dehli [6'5]
• Santi Mina [6'5]
• Pablo Hernández [-]
• Álex López [5'5]
• Charles [5'5]
• Nolito [7'5]
• Larrivey [5]