Liga, xornada 5: Celta 2 - Coruña 1

O Celta gaña o derbi galego ao Coruña (2-1), con goles de Nolito e Larrivey, e continua invicto nesta liga. Sergio parou un penalti no minuto 87.

Sergio no momento de parar o penalti

O Celta foi moi superior ao Coruña durante toda a primeira parte e aos 3 minutos saque de banda de Planas que peitea Larrivey, controla Nolito encara a Sidnei e Lopo e dende dentro da área bate a Lux. Aos 8 minutos Nolito pasa a Álex López e o seu lanzamento dende fóra da área sae alto. O Coruña só paraba o Celta con faltas, sempre co consentimento do colexiado. Orellana intentouno por dúas veces, a primeira cun lanzamento de falta que saliu fóra por pouco, e a segunda cun disparo dende fóra da área que buscaba a escuadra pero saliu desviado. O Coruña tirou unha soa vez a porta nos primeiros 45 minutos. Na primeira falta que cometeu Fontás (unha posible falta no medio do campo), o árbitro que deixou ao Coruña facer todas as faltas que quixeron, móstralle tarxeta amarela. A segunda parte comezou cun disparo frouxo do Coruña. O Celta respondeu cun pase de Krohn-Dehli para Nolito que é derrubado de forma clara dentro da área pero como sempre o encargado de impartir xustiza mira para outro lado. No minuto 54 Cuenca marcaba o empate ante a falta de contundencia de Hugo Mallo na defensa. O Celta volveu apoderarse do partido e Nolito obrigou a Lux a lucirse cun forte disparo dende fóra da área. Krohn-Dehli tamén buscou sorte dende o borde da área e o seu disparo saliu rozando o pau. Álex López deixaba o seu sitio a Augusto no minuto 66 e 5 minutos despois Nolito saca un corner e Larrivey remata de cabeza ao fondo da rede tras adiantarse a Sidnei e Lux. O Celta lanzou 13 saques de esquina por 4 do Coruña. Larrivey puido marcar o terceiro, tras un maxistral pase de Krohn-Dehli, pero a súa vaselina desviouna Lux. Entraba Jonny e saia Nolito a 8 minutos máis o desconto para o final e no minuto 87 penalti por man de Cabral que Sergio para a Medunjanin deixando os tres puntos en Vigo.

FICHA:

[2] Celta de Vigo: Sergio; Hugo Mallo, Cabral, Fontás, Planas; Radoja, Krohn-Dehli (Sergi Gómez, 89'), Álex López (Augusto, 66'); Orellana, Nolito (Jonny, 82') e Larrivey.

[1] Deportivo da Coruña: Lux, Laure (José Rodríguez, 77'), Lopo, Sidnei, Luisinho, Bergantiños, Medunjanin, Cuenca (Cavaleiro, 69'), Fariña (Toché, 84'), Juanfran e Postiga.

Colexiado: Del Cerro Grande, insuficiente. Amonestou a Fontás, Orellana e Larrivey polo Celta, e Luisinho, Laure e Sidnei polo Coruña.

Goles: 1-0, Nolito (3'). 1-1, Cuenca (54'). 2-1, Larrivey (71').

Estadio: Balaídos, 23.903 espectadores.

Notas:

• Sergio [9]
• Hugo Mallo [5]
• Cabral [5'5]
• Fontás [6'5]
• Planas [6'5]
• Radoja [8]
• Krohn-Dehli [7]
• Sergi Gómez [-]
• Álex López [5]
• Augusto [5'5]
• Orellana [6'5]
• Nolito [7]
• Jonny [-]
• Larrivey [7'5]