Pablo Hernández segunda fichaxe da tempada 2014 - 2015

O xogador arxentino, nacionalizado chileno, é unha petición expresa do adestador, Eduardo Berizzo, e asina por catro tempadas.

Carlos Mouriño e Pablo Hernández na firma do contrato

Pedro Pablo "Tucu" Hernández (24-10-1986, San Miguel de Tucumán, Arxentina) deu os seus primeiros pasos no fútbol profesional no Atlético Tucumán arxentino no ano 2006. No ano 2008 ficha polo Racing Club de Montevideo uruguaio. Ao ano seguinte vaise ao Defensor Sporting tamén uruguaio. No ano 2010 xoga cedido no DC United dos Estados Unidos, onde non ten bastante sorte. No ano 2011 volve á liga arxentina, fichando polo Arxentinos Junior onde milita dúas tempadas. Na tempada 2013 - 2014 asina polo O'Higgins chileno onde marcou o gol da vitoria ante o Universidade Católica conseguindo o primeiro título para o equipo chileno, tamén conseguiría a Supercopa de Chile. É internacional coa selección de Chile, marcando dous goles no seu debut ante a selección de Costa Rica. Unha lesión muscular fíxolle perderse o Mundial de Brasil 2014.
Traxectoria:

• Atlético Tucumán (Arxentina) [2006 / 2008]
• Racing Club de Montevideo (Uruguai) [2008 / 2009]
• Defensor Sporting (Uruguai) [2009 / 2010]
• DC United (Estados Unidos) [2010]
• Arxentinos Juniors (Arxentina) [2011 / 2013]
• O'Higgins (Chile) [2013 / 2014]

Títulos:

• Torneo Apertura (Liga Chile) [2013]
• Supercopa de Chile [2014]