Liga, xornada 31: Celta 1 - Sevilla 0

Un Celta moi superior, gaña ao Sevilla cun gol de penalti (milagre) transformado por Nolito, que consegue o seu gol número 7.

Nolito tras marcar o penalti

O partido comeza con dous lanzamentos dende fóra da área, un de Krohn-Dehli e outro de Rafinha, aínda que a primeira ocasión clara foi do Sevilla cun gol anulado por fóra de xogo, para min inexistente, (aínda que non se pode falar de gol anulado xa que o árbitro pitou antes do remate). Volveuna ter o Sevilla nun man a man que Yoel despexa co pé, o balón caelle outra vez ao Sevilla e o remate o despexa Jonny tirándose ao chan. A mellor ocasión do Celta foi nun bo roubo de balón de Krohn-Dehli que encara, pasa a Augusto, este centra dende a liña de fondo e Nolito remata de cabeza, atrapando o exporteiro do Celta, Javi Varas (que recibiu unha gran ovación por parte de Balaídos ao inicio do encontro). No segundo tempo o Celta saliu máis entoado e a primeira ocasión tívoa Rafinha, tras un bo pase de Krohn-Dehli, recorta o defensa e o seu disparo o atrapa Javi Varas. No minuto 49 prodúcese o primeiro cambio do Celta, sae Álex López e entra Orellana. Outro lanzamento de Rafinha dende fóra da área que volve atrapar Javi Varas. Boa contra do Sevilla tras un mal despexe do Celta e Yoel despexa a saque de esquina un bo lanzamento do Sevilla. Bo centro de Jonny dende a esquerda que remata Orellana, o seu disparo se estrela no longueiro e o rexeite rebota en Nolito e o balón vaise fóra incriblemente. No minuto 73 producese o segundo troco do Celta entrando Bermejo por Charles e no minuto 79 Aurtenetxe sustituía a Rafinha. Outro remate dende fóra da área, esta vez Hugo Mallo, que se vai fóra. A continuación triple agarrón do mesmo xogador do Sevilla a Orellana que o árbitro aplica a lei da vantaxe e logo incomprensiblemente non amoesta o xogador visitante, cando no minuto 24 de partido amoestou a Fontás na primeira falta que cometía. A catro minutos para o final saque de banda de Hugo Mallo cara a Bermejo dentro da área e o colexiado pita penalti (milagre) por man de Fazio dentro da área que Nolito transforma no gol da vitoria. Xa no tempo de desconto Nolito dispara e Javi Varas despexa a corner nunha gran intervención, pero a última xogada tívoa o Sevilla nun remate de Bacca que Yoel volve a despexar a saque de esquina, realizando outro paradón. Para os que critican a Luis Enrique, recordarlles que a falta de 7 partidos (21 puntos) temos 36 puntos, cando o ano pasado fixemos 37 puntos en toda a liga.

Ficha:

Alineación: Yoel; Hugo Mallo, Íñigo López, Fontás, Jonny; Augusto, Krohn-Dehli, Álex López (Orellana, 49'); Rafinha (Aurtenetxe, 79'), Charles (Bermejo, 73') e Nolito.

Goles: 1-0, Nolito de penalti (86').

Colexiado: Martínez Munuera, regular. Amonestou a Fontás.

Estadio: Balaídos, 19.366 espectadores.

Puntuación:

• Yoel. Partidazo. 12.
• Hugo Mallo. Intenso. 6.
• Íñigo López. Firme. 6.
• Fontás. Seguro. 5.
• Jonny. Eficiente. 6.
• Augusto. Loitador. 5.
• Krohn-Dehli. Líder. 11.
• Álex López. Desapercibido. 4.
• Rafinha. Empeño. 5.
• Charles. Desaparecido. 3.
• Nolito. Goleador. 13.
• Orellana. Suplente. 5.
• Bermejo. Aire. 5.
• Aurtenetxe. Ben. 5.

*Reparto de puntos en estadísticas.