Liga, xornada 22: Granada 1 - Celta 2

O Celta consegue por primeira vez esta tempada a súa segunda vitoria seguida e mira máis próximo o obxectivo da permanencia. Curiosamente as catro vitorias a domicilio foron en Andalucía.

Augusto no momento de marcar o 1-2

A primeira ocasión do partido foi para o Granada cun disparo que despexa a corner Yoel cunha gran intervención. Na primeira oportunidade o Celta ía poñer o 0-1 nun saque de esquina onde Orellana saca en curto para Rafinha e este rompe ao defensa cunha gran xogada individual, intérnase ata a liña de cal e o seu centro cáelle a Cabral que de cabeza bate a Roberto. Despois do gol o Granada tivo tres ocasións, a primeira cun remate cruzado que sae desviado, a segunda nun remate de cabeza, en fóra de xogo non pitado, ao saque dunha falta que para Yoel e na terceira conseguían o gol do empate nun saque de esquina, concedido por Oubiña que non dá un pase ben nin a un metro, con remate de cabeza de El Arabi con posible falta sobre Cabral. Co empate a un íase chegar ao descanso. A primeira ocasión da segunda metade foi para Noito que se durmiu só ante Roberto e despexou a defensa. A continuación dous penaltis non sinalados, un en cada área, o primeiro de Cabral sobre El Arabi e o segundo por unha man dun defensor do Granada. No minuto 53 Santi Mina substituía a Charles por lesión. O Celta coa entrada de Aurtenetxe por un desaparecido e lamentable Borxa Oubiña fíxose dominador total do medio do campo con Augusto, Fontás (facendo de Oubiña) e Rafinha. Cando todos daban o partido por empate apareceu Krohn-Dehli cunha gran internada na área con pase da morte que o porteiro non acerta a atrapar e o seu rexeite lle cae a Augusto que marca a pracer. 1-2 en Granada e vemos a permanencia máis preto.

Ficha:

Alineación: Yoel; Hugo Mallo, Cabral, Fontás, Jonny; Augusto, Oubiña (Aurtenetxe, 59'), Rafinha; Orellana (Krohn-Dehli, 83'), Charles (Santi Mina, 53') e Nolito.

Goles: 0-1, Cabral (28'). 1-1, El Arabi (40'). 1-2, Augusto (88').

Colexiado: Mateu Lahoz, regular. Amonestou a Cabral, Oubiña, Hugo Mallo e Nolito.

Estadio: Os Cármenes, 13.500 espectadores.

Puntuación:

• Yoel. Ben. 4.
• Hugo Mallo. Defensivo. 3.
• Cabral. Goleador. 9.
• Fontás. Cumpridor. 4.
• Jonny. Sólido. 4.
• Augusto. Decisivo. 13.
• Oubiña. Penoso. 0.
• Rafinha. Grande. 11.
• Orellana. Traballador. 4.
• Charles. Lesionado. 3.
• Nolito. Regular. 2.
• Santi Mina. Loitador. 3.
• Aurtenetxe. Seguro. 4.
• Krohn-Dehli. Revulsivo. 4.

*Reparto de puntos en estadísticas